呢个年代，香港人，唔上唔落，唔出唔入，日日都想自己negative，明明做人一向要positive ! 疫情下好多梦想可能都被搁置或者改变，但「无论路程几远都要为梦想『而付』出」。 今次「谭仔姐姐」为梦想『而付』出，组成「谭仔女团」闯入乐坛。 今次MC $oHo & KidNey与「谭仔女团」火辣合唱《梦想成真2022》，新歌由邓东成East City、MC $oHo同埋独立音乐人Billy Choi负责作曲，MC $oHo及Billy Choi填词，邓东成East City及李一丁监制。歌词由MC $oHo同KidNey独白开始，以黑色幽默方式细诉一般香港市民喺疫情前嘅梦想，包括：「返工唔驶塞车」、「唔驶返咁多工」以及「日日留喺屋企」等。然后，疫情令佢地梦想成真，但佢地冇谂过「许愿嗰阵 冇谂过搞成咁」，仲改变咗一般人嘅生活模式同带嚟「希望在明天，明天去咗边」嘅种种苦况。 就喺失意时，谭仔女团rap住「Don’t 惊慌，心情好自然健康」、「世界系难捞 唔难就唔驶你嚟捞」、「我信你一定做到，努力上位系呢铺」，为二人打气。二人终明白，既然「控制唔到风雨停唔停」，就继续「认真许愿」，「无论路程几远都要为梦想『而付』出」以及「留得青山在 咁样先为『之忍』耐」。 MC $oHo及Billy Choi更将歌词内融入「谭仔话」- 「而付」（鱼腐）及「之忍」（猪膶），令首歌彻彻底底地成为充满谭仔味。呢份放肆与锐利，正是激起香港人的共鸣感。